CÀSÀ Kulinariya Peşə Təlimini Turizm və Sosial Xidmətlər üzrə Dövlət Peşə Təhsil Mərkəzi ilə Əməkdaşlıqla Gücləndirir

2025-ci il iyulun 16-da Azərbaycan Kulinariya Sənətləri Mərkəzi (CÀSÀ) ilə Bakı Turizm və Sosial Xidmətlər üzrə Dövlət Peşə Təhsil Mərkəzi arasında Anlaşma Memorandumu (MoU) imzalanaraq yeni əməkdaşlıq rəsmiləşdirildi. Bu strateji tərəfdaşlıq kulinariya sahəsində peşə təhsilinin gücləndirilməsini və təlim proqramlarının əmək bazarının dəyişən tələblərinə daha yaxşı uyğunlaşdırılmasını hədəfləyir.

Birgə proqram tələbələrə nəzəri biliklərlə yanaşı, real iş mühitində praktiki bacarıqlar qazandıran peşəkar kulinariya təhsili təqdim edəcək. Proqram məzunları yalnız hərtərəfli kulinariya biliklərinə yiyələnməyəcək, həm də aparıcı kulinariya və qonaqpərvərlik brendləri ilə əməkdaşlıq nəticəsində qarantili iş imkanları və yüksək maaşlı karyera yolları əldə edəcəklər.

Təlimlə yanaşı, tələbələr CÀSÀ-nın geniş peşəkar şəbəkəsindən də faydalanaraq, həm yerli, həm də beynəlxalq səviyyədə uğurlu karyera qurmaq üçün dəyərli sənaye əlaqələri və təcrübə qazanacaqlar.

CÀSÀ-nın direktoru Kelvin Chong bu əməkdaşlığın əhəmiyyətini vurğulayaraq bildirib:

“Bu Anlaşma Memorandumu tələbələrimizi rəqabətli kulinariya sənayesində uğurla fəaliyyət göstərməyə və işəgötürənlərin ehtiyaclarını qarşılayacaq şəkildə hazırlamaq məqsədimizə xidmət edir. Biz dünya səviyyəli  kulinariya təhsili və praktik təlim təqdim etmək missiyamıza sadiqik.”

Bu əməkdaşlıq, CÀSÀ-nın Azərbaycanda kulinariya sənətləri sahəsində peşə təhsilinin inkişafı və tədris standartlarının yüksəldilməsi istiqamətində atdığı ardıcıl addımların bir hissəsidir. Məqsəd – tələbələrin bilik, bacarıq və peşəkar dəstək ilə əmək bazarına tam hazır şəkildə daxil olmalarını təmin etməkdir.